Zjarr në fshatin Mallunxë të Matit, terreni i thyer vështirëson punën e mjeteve zjarrfikës

Aktualitet | 1 orë më parë

Një vatër zjarri është regjistruar në fshatin Mallunxë të Bashkisë Mat. Në terren kanë mbërritur forcat zjarrfikëse të Burrelit dhe punonjës të Bashkisë Mat, të cilët po ndërhyjnë për izolimin e flakëve dhe për të parandaluar përhapjen e zjarrit në drejtim të banesave.

Sipas të dhënave paraprake, dyshohet se zjarri është shkaktuar nga djegia e barishteve nga banorë të zonës. Flakët dyshohet se kanë dalë jashtë kontrollit, duke përfshirë një sipërfaqe me bimësi.

Ndërhyrja po vështirësohet nga terreni i thyer, i cili nuk lejon lëvizjen dhe afrimin e mjeteve zjarrfikëse në të gjitha zonat e prekura.

Për këtë arsye, puna për shuarjen dhe izolimin e flakëve po kryhet kryesisht nga forcat në terren, të cilat po përpiqen të frenojnë përhapjen e zjarrit dhe të mbajnë nën kontroll situatën.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.