Një vit nga vrasja e gjyqtarit Astrit Kalaja, kolegët nderojnë kujtimin e tij

Aktualitet | 1 orë më parë

Sot shënohet një vit nga vrasja e gjyqtarit Astrit Kalaja, një ngjarje e rëndë që la pas dhimbje te familjarët, kolegët dhe komuniteti i drejtësisë në Shqipëri.

Në njëvjetorin e ndarjes së tij nga jeta, trupa gjyqësore e Gjykatës së Apelit të Juridiksionit të Përgjithshëm u mblodh në kujtim të gjyqtarit Kalaja, duke nderuar figurën e tij dhe kontributin e dhënë ndër vite në sistemin e drejtësisë.

Më pas, në Shkodër, kolegët e tij vizituan familjen Kalaja për të shprehur ngushëllimet dhe solidaritetin në këtë përvjetor të dhimbshëm.

Astrit Kalaja u kujtua nga kolegët me respekt dhe mirënjohje për punën e tij si gjyqtar, ndërsa një vit pas vrasjes së tij, emri dhe kontributi i tij vijojnë të mbeten pjesë e kujtesës së komunitetit të drejtësisë.

astrit kalaja

gjyqtari

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.