Ngjarje e rëndë në Kurbin, babai aksidenton vajzën e tij të mitur

Aktualitet | 1 orë më parë

Një ngjarje e rëndë aksidentale me pasojë vdekjen e një të miture ka ndodhur mbrëmjen e së mërkurës në fshatin Malbardh të Kurbinit.

Sipas të dhënave paraprake nga Policia e Shtetit, rreth orës 19:50, shtetasi B. A., 45 vjeç, duke manovruar me një mjet bujqësor në oborrin e banesës së tij, ka goditur aksidentalisht vajzën e tij 3-vjeçare.

Si pasojë e dëmtimeve të rënda të marra nga goditja, e mitura ka humbur jetën në vend.

Grupi hetimor ka mbërritur menjëherë në vendngjarje dhe, nën drejtimin e Prokurorisë, po kryen të gjitha veprimet hetimore për zbardhjen dhe dokumentimin e plotë të rrethanave të kësaj ngjarjeje tragjike.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.