Zjarr në një banesë në Lezhë, ndërhyrja e shpejtë e zjarrfikësve parandalon përhapjen e flakëve

Aktualitet | 26 minuta më parë

Një banesë në lagjen “Nënë Tereza” në qytetin e Lezhës është përfshirë nga flakët mbrëmjen e sotme, duke shkaktuar dëme materiale.

Menjëherë pas marrjes së njoftimit, forcat zjarrfikëse kanë mbërritur në vendngjarje. Falë veprimeve të shpejta të strukturave të emergjencës, u bë e mundur lokalizimi dhe vënia e plotë nën kontroll e vatrës së zjarrit, duke parandaluar përhapjen e mëtejshme të flakëve ndaj banesave apo objekteve ngjitur.

Nga të dhënat e para raportohet vetëm për dëme materiale brenda ambienteve të banesës.

Ndërkohë, grupi hetimor dhe autoritetet kompetente kanë nisur këqyrjen e vendngjarjes. Expertët pritet të kryejnë verifikimet teknike për të përcaktuar shkakun e saktë të shpërthimit të zjarrit, si dhe për të bërë vlerësimin e plotë të dëmeve të shkaktuara.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.