Arabia Saudite/Sulm vdekjeprurës në aeroportin e Riadit, 12 të vrarë dhe mbi 300 të plagosur

Botë | 1 orë më parë

Të paktën 12 persona u vranë dhe mbi 300 të tjerë u plagosën të shtunën, pas një sulmi në Aeroportin Ndërkombëtar “Mbreti Khalid” në Riad, kryeqytetin e Arabisë Saudite. Sulmi, për të cilin fajësohen rebelët Huthi të Jemenit, shënon goditjen më vdekjeprurëse ndaj mbretërisë në më shumë se një dekadë.

Sipas autoritetit saudit të aviacionit civil, mes viktimave janë katër shtetas sauditë, dy shtetas të Bangladeshit dhe nga një shtetas i SHBA-së, Egjiptit, Jordanisë, Sirisë, Palestinës dhe Sudanit.

Në deklaratë, autoriteti saudit i aviacionit civil tha se disa nga të plagosurit ishin në gjendje kritike.

Pas incidentit, të gjitha fluturimet u devijuan nga Riadi. Sulmi i së shtunës ishte i treti ndaj aeroportit këtë javë, duke rritur shqetësimet për sigurinë e infrastrukturës kritike të Arabisë Saudite.

/rtsh.al/

aeroporti

arabia saudite

sulmi

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.