Zelensky: Evropa ka nevojë për një Ukrainë të sigurt dhe të bashkuar

Presidenti Volodymyr Zelensky ka deklaruar se fokusi kryesor i bisedimeve në Bruksel gjatë dy ditëve të ardhshme do të jenë garancitë e sigurisë, forcimi i ushtrisë ukrainase dhe sigurimi i sistemeve të mbrojtjes ajrore.
Kreu i shtetit ukrainas e tha këtë në Bruksel gjatë një konference të përbashkët për shtyp me Sekretarin e Përgjithshëm të NATO-s Mark Rutte.
“Mendoj se kjo është një mundësi shumë e mirë për të folur për garancitë e sigurisë për Ukrainën… Është shumë e rëndësishme të shfrytëzohen këto dy ditë në Bruksel,” tha ai.
Zelensky theksoi se Evropa ka nevojë për një pozicion të fortë dhe të bashkuar për të siguruar paqe të qëndrueshme.
Gjithashtu, ai deklaroi se bisedimet do të fokusohen në rritjen e aftësive të mbrojtjes ajrore të Ukrainës, veçanërisht në transferimin e sistemeve shtesë të mbrojtjes ajrore në Ukrainë.
“Sigurisht, ne do të flasim gjithashtu se si të forcojmë ushtrinë tonë”, tha presidenti ukrainas.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




