Arritja e armëpushimit- Izraeli paralajmëron libanezët e zhvendosur: Mos u ktheni në shtëpi

Pak pas arritjes së armëpushimit, Izraeli ka paralajmëruar libanezët e zhvendosur që të mos kthehen në shtëpitë e tyre në Libanin jugor.
Megjithëse armëpushimi 60-ditor i rënë dakord nga Izraeli dhe Libani përcakton që Forcat e Mbrojtjes të Izraelit (IDF) duhet të tërhiqen plotësisht nga Libani jugor, kthimi i trupave në Izrael nuk do të bëhet menjëherë .
“IDF mbetet e dislokuar në pozicionet e saj brenda Libanit jugor. Ju ndalohet të shkoni drejt fshatrave që IDF ka urdhëruar të evakuohen ose drejt forcave të IDF në zonë“, shkroi zëdhënësi i ushtrisë izraelite në gjuhën arabe Avichay Adraee në X të mërkurën.
Një zyrtar i lartë i administratës amerikane tha të martën se forcat izraelite duhet të tërhiqen nga Libani brenda 60 ditëve sipas kushteve të marrëveshjes. Gjatë kësaj kohe, luftëtarët e Hezbollahut gjithashtu pritet të tërhiqen 40 kilometra (25 milje) nga kufiri Izrael-Liban.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




