Sulmet e Izraelit në Liban, Iraku kërkon takim në OKB. Turqia: Lindja e Mesme po futet në kaos

Kryeministri irakian Mohammed Shia al-Sudani ka kërkuar takim urgjent të liderëve arabë në margjinat e Asamblesë së Përgjithshme të OKB-së pasi Izraeli intensifikoi sulmet e tij në Liban.
Iraku kërkon takim urgjent “të liderëve të delegacioneve arabe… për të shqyrtuar pasojat e agresionit sionist ndaj popullit tonë paqësor në Liban dhe për të punuar së bashku për të ndaluar sjelljen e tij kriminale”.
Ndërkaq, Turqia ka paralajmëruar se sulmet e Izraelit ndaj Hezbollahut kërcënojnë ta fusin gjithë Lindjen e Mesme në kaos.
“Sulmet e Izraelit ndaj Libanit shënojnë një fazë të re në përpjekjet e tij për të tërhequr të gjithë rajonin në kaos. Është e domosdoshme që të gjitha institucionet përgjegjëse për ruajtjen e paqes dhe sigurisë ndërkombëtare, veçanërisht Këshilli i Sigurimit i Kombeve të Bashkuara, si dhe komuniteti ndërkombëtar, të marrin masat e nevojshme pa vonesë”, thuhet në një deklaratë të Ministrisë së Jashtme.
Presidenti turk Rexhep Tajip Erdogan, i cili do të mbajë fjalim në Asamblenë e Përgjithshme të OKB-së të martën, pritet të fokusohet në luftën e Gazës.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




