Humbën statusin e qëndrimit, Gjermania dëbon dhjetëra qytetarë nga Kosova dhe Serbia

Botë | 2 vite më parë

Gjermania ka filluar një ofensivë për dëbimin e personave që u është mohuar e drejta për azil, duke riatdhesuar 36 individë, kryesisht nga Kosova dhe Serbia.

Fluturimet për në Beograd dhe Shkup janë organizuar për ata që kanë humbur statusin e qëndrimit, shkruan e përditshmja Bild dhe DV. Mes të dëbuarve ka edhe kriminelë të dënuar.

Ndryshe nga deportimet në Afganistan, që janë problematike për shkak të situatës atje, fluturimet për në Ballkan konsiderohen rutinë.

Vetëm në tremujorin e parë të vitit, Gjermania ka deportuar 795 persona në shtetet e Ballkanit Perëndimor, të cilat janë shpallur të sigurta për origjinë.

Përveç kësaj, qeveria gjermane ka lehtësuar punësimin e qytetarëve nga Ballkani Perëndimor, duke kërkuar vetëm një kontratë pune nga punëdhënësit gjermanë.

Gazetar: Artur Mata

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme