Një letër e Xhorxh Uashington e shkruar në tetor 1777, doli në shitje nga shtëpia e ankandeve, Raab Collection. Kjo letër u shkrua pak pasi Xhorxh Uashingtoni dëgjoi për fitoren e parë mbi trupat britanike gjatë Luftës Revolucionare. Shtëpia e ankandeve e bleu atë nga pasardhësit e gjeneralit James Potter.

Letra kishte qenë në posedim të pasardhësve të Potter për gati 250 vjet dhe vlerësohet të kapi vlerën rreth 275,000 dollarë. Potter ishte një politikan i epokës koloniale dhe revolucionare nga Pensilvania , që mori komanda të rëndësishme gjatë Luftës Revolucionare.

Kjo letër është unike pasi është e vetmja në të cilën Uashingtoni dihet se ka përmendur “Parajsën” gjatë luftës. Uashingtoni shkroi letrën menjëherë pasi dëgjoi për rezultatin e Betejës së Saratogës, në tetor 1777, fitorja e parë e trupave revolucionare mbi britanikët.

I gëzuar, Uashingtoni shkroi se “ky favor i veçantë i Providencës duhet pranuar me mirënjohje dhe momentin e lumtur që Qielli ka vënë në dukje për themelimin e vendosur të Lirisë Amerikane”.

Ndërsa përmbajtja e letrës ishte e njohur për studiuesit, dokumenti origjinal mendohej i humbur.

Shumë historianë e konsiderojnë Betejën e Saratogës një pikë kthese në luftë dhe gjuha në letër tregon se rëndësia e saj ishte e qartë për Uashingtonin në atë kohë./DailyMail/

/rtsh.al/