Në qytetin e Elbasanit këtë vit marrja e vaksinës së gripit ka nisur më herët se vitin e  kaluar, që prej datës 6 tetor të gjitha qendrat shëndetësore janë pajisur me vaksinën gripale dhe tashmë ka nisur shpërndarja e tyre.

Janë afërsisht 16 mijë doza vaksinash. Për mjekët ardhja e vaksinave në kohën më të shpejtë, pritet të parandalojë shtrimet në spitale dhe aplikacionet shëndetësore që sjell  gripi sezonal.

Epidemilogia Erleta Hila shprehet gjithashtu se tashmë është momenti më i mirë që popullata të vaksinohet në mënyrë që kulmin e virozave ne muajt dhjetor-janar të mos të ketë të pa vaksinuar.

“ Nëse vaksina vjen herët, parandalohet shtrimi në spital dhe komplikacionet e gripit.

Moshat e treta janë të parët që shkojnë në dyer e qendrave shëndetësore për tu vaksinuar, ata shprehen tepër të kënaqur duke ju bërë thirrje qytetarëve të mos hezitojnë por të kryejnë vaksinën gripale për të ruajtur shëndetin e tyre.

Vaksina Gripale nuk është një vaksinë e re për popullatën pasi tashmë prej 10 vite po kryhet. Vaksina mbulon variantet më të pranishme në virulenc si tipin A dhe tipin B, sipas specialisteve kjo është vaksinë e përpunuar dhe gjithmonë ritestohet duke nxjerrë në treg variantin më të mirë dhe të ri për të mundur komplikacionet dhe infeksionet virale.

/rtsh.al/