Flija gjigante që synon Rekordin Guinness gatuhet me saç në Has të Kosovës

Kuriozitete | 2 vite më parë

Fli unike sa i përket madhësisë u gatuan në një tepsi me diametër dy metra në Kosovë.

Kjo është hera e parë që flija përgatitet në këtë madhësi. Pjekur në saç, gatimi me petë të holla i njohur si fli mbetet një ndër karakteristikat më të veçanta të “Darkës së Lamës”. Kjo festë organizohet nga banorët e fshatit Gjonaj në Has të Prizrenit. Gatuesit e flisë janë burrat e fshatit e jo gratë.

Qysh para një viti, saçi dhe tepsia ku u gatua flija janë punuar me mjeshtëri nga Ramadan Totaj e Zekë Osmanollaj enkas për festën. Për ta gatuar këtë fli u deshën rreth 4 orë ndërkohë.

Për shkak të madhësisë së saj ekspertët po shikojnë mundësinë për të aplikuar për Librin Guinness. Flija u nda për të pranishmit në festën e fundjavës së kaluar, që simbolizon bereqetin hasjan.

Gazetare: Besjana Gërmizi

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.