I shpallur në kërkim nga Spanja për grup kriminal dhe trafik droge, arrestohet në Fier 60-vjeçari

Aktualitet | 1 orë më parë

Një 60-vjeçar i shpallur në kërkim ndërkombëtar është lokalizuar dhe arrestuar në Fier, në kuadër të operacionit policor të koduar “Gjurmimi”.

Shërbimet e Komisariatit të Policisë Fier, gjatë kontrolleve për kapjen e personave të kërkuar ndërkombëtarisht, kanë lokalizuar në fshatin Bishan shtetasin M. T., 60 vjeç.

Sipas Policisë, ndaj tij Gjykata e Madridit në Spanjë ka lëshuar urdhër-arrestin, pasi dyshohet për veprat penale “Pjesëmarrje në grup kriminal me qëllim trafikimin e narkotikëve” dhe “Vjedhje e energjisë elektrike”, të parashikuara nga legjislacioni penal spanjoll.

Në vijim të veprimeve procedurale, 60-vjeçari është arrestuar përkohësisht, me qëllim ekstradimin e tij drejt Spanjës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.