Izraelin paralajmëron Houth-it: Do ju godasim siç vramë liderët e Hamasit

Ministri i Mbrojtjes i Izraelit, Israel Katz ka paralajmëruar rebelët e Houthit të Jemenit për shkatërrimin e infrastrukturës së tyre dhe ‘prerjen e kokave’ udhëheqësve të saj.
Vrasja e liderit të Hamasit, Hanieyh, erdhi disa orë pasi komandanti i lartë i Hezbollahut, Fuad Shukr, u vra në një sulm ajror izraelit në periferinë jugore të kryeqytetit të Libanit, Bejrut, më 31 korrik.
Yahya Sinëar zëvendësoi Haniyeh si shefin ushtarak të grupit. Sinëar u vra gjithashtu në një operacion ushtarak izraelit në Gazën jugore më 16 tetor. Në një tjetër vrasje të madhe, Hassan Nasrallah, shefi i Hezbollahut u vra gjithashtu nga Izraeli.
Në një ngjarje përkujtimore për oficerët lokalë të sigurisë, Katz tha se “ne do të godasim infrastrukturën strategjike [të Houthis] dhe do t’i presim kokën udhëheqësve të saj. Ashtu siç bëmë me Haniyeh, Sinëar dhe Nasrallah, në Teheran, Gaza dhe Liban — ne do bëni në Hodeidah dhe Sanaa”.
Ministri izraelit i Mbrojtjes pranoi gjithashtu përmbysjen e regjimit të Bashar al-Assad në Siri.
Forcat opozitare, të udhëhequra nga Hayat Tahrir al-Sham (HTS), nisën një ofensivë të fortë nga provinca veriperëndimore e Idlibit në nëntor. Ata arritën në Damask në orët e para të 8 dhjetorit dhe njoftuan fundin e më shumë se 50 viteve të sundimit të dorës së hekurt të familjes al-Assad mbi Sirinë.
“Ne kemi përmbysur regjimin e Asadit në Siri, i kemi dhënë goditje të rënda “boshtit të së keqes” dhe gjithashtu do të godasim ashpër organizatën terroriste Houthi në Jemen, e cila mbetet e fundit në këmbë”, tha ministri izraelit i Mbrojtjes.
Më herët në gusht, Garda Revolucionare e Iranit (IRGC) tha se udhëheqësi i Hamasit Ismail Haniyeh u vra nga Izraeli duke përdorur një predhë me rreze të shkurtër veprimi me një kokë lufte dhe planifikon të hakmerret “në kohën e duhur”.
Deklarata e Gardës Revolucionare të Iranit akuzoi qeverinë e Shteteve të Bashkuara për mbështetjen e sulmit, për të cilin Irani fajëson Izraelin.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




