Komandanti i Gardës Revolucionare: Irani s’është dobësuar pas rënies së Asadit në Siri

Botë | 2 vite më parë

Komandanti i Gardës Revolucionare ka deklaruar se Irani nuk është dobësuar që nga përmbysja e presidentit dhe aleatit të tij Bashar al-Assad në Siri.

“Ne nuk jemi dobësuar dhe fuqia e Iranit nuk është zvogëluar,” tha Hossein Salami në një takim me dyer të mbyllura të anëtarëve të parlamentit iranian.

Irani dhe Rusia kanë mbështetur sundimin e Assadit në Siri që nga shpërthimi i luftës civile në vend në vitin 2011, duke ofruar mbështetje ushtarake, personel dhe fuqi ajrore.

Teherani ka dislokuar Gardën Revolucionare, një organ elitar i forcave të armatosura iraniane, në Siri për të mbajtur aleatin e saj në pushtet dhe për të ruajtur “Boshtin e Rezistencës” ndaj Izraelit dhe ndikimit të SHBA-së në Lindjen e Mesme.

Rënia e Assadit ka ‘gërryer’ aftësinë e Teheranit për të projektuar fuqinë e tij dhe për të ruajtur rrjetin e tij të grupeve paraushtarake në rajon, veçanërisht aleatin e tij lëvizjen shiite Hezbollah në Liban, e cila ra dakord për një armëpushim me Izraelin muajin e kaluar.

Pasi Assad u rrëzua nga pushteti, ministria e jashtme e Iranit bëri thirrje për një dialog kombëtar për të formuar një qeveri gjithëpërfshirëse që do të përfaqësonte të gjitha pjesët e shoqërisë siriane.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme