Më 6 maj, kurora historike e Shën Eduardit do të vendoset në kokën e mbretit Charles III si pjesë e një rituali kurorëzimi që shkon në shekuj.

E parë rrallë herë jashtë Kullës së Londrës, kurora e artë do të mbahet për më pak se një orë përpara se të ruhet për kurorëzimin e monarkut të ardhshëm.

Edhe pse Charles u bë Mbret menjëherë pas vdekjes së nënës së tij, kurorëzimi është një rit i lashtë që simbolizon fillimin e mbretërimit të tij.

E bërë prej ari 22 karatësh, kurora 360-vjeçare është mbi 30 cm e gjatë dhe me peshë rreth 2.23 kg.

Kurora e Shën Eduardit u mbajt për herë të fundit nga Mbretëresha Elizabeth II në kurorëzimin e saj në 1953 dhe rrallëherë është larguar nga Kulla e Londrës në 70 vjet që nga ajo kohë.

Kurora ka 444 gurë të çmuar duke përfshirë safirë, rubin, ametistë dhe topaz, edhe pse shumica janë akuamarinë blu. Ato janë vendosur në montime smalti dhe ari.

Gurët në kurorë dikur ishin të lëvizshëm dhe përdoreshin posaçërisht për kurorëzime.

Vetëm në shekullin e 20-të ata u vendosën në kurorë përgjithmonë.

Kurora u bë për Karlin II në vitin 1661. Ajo është emëruar sipas një versioni shumë më të hershëm që i përkiste mbretit dhe shenjtorit anglo-sakson, Eduard Rrëfimtarit.

/rtsh.al/