Në rezidencën zyrtare të Ambasadës së Shteteve të Bashkuara të Amerikës në Tiranë është zhvilluar ceremonia ceremoniale e ngritjes së flamurit amerikan nga Trupa e Marinsave të SHBA-së, duke shënuar kështu nisjen zyrtare të detyrës nga Ambasadori i ri, Eric Wendt.

Përmes një njoftimi zyrtar të shpërndarë në rrjetet sociale, përfaqësia diplomatike amerikane e cilësoi këtë ngjarje si fillimin e një etape të re në marrëdhëniet dypalëshe mes Uashingtonit dhe Tiranës.

“Një kapitull i ri nis në Shqipëri. Trupa e Marinsave e Shteteve të Bashkuara ngriti flamurin amerikan në rezidencën zyrtare, teksa Ambasadori Wendt nis detyrën e tij.”, thuhet në postimin e ambasadës së SHBA-së në Tiranë.

Fokus te partneriteti strategjik dhe siguria

Në deklaratën e saj, ambasada vë theksin edhe te prioritete politike dhe strategjike të administratës amerikane, duke nënvizuar rëndësinë e ndarjes së përgjegjësive dhe bashkëpunimit të ngushtë dypalësh.

“Nën udhëheqjen e Presidentit Trump, aleancat tona janë më të forta kur qëndrojmë së bashku, ndajmë përgjegjësitë dhe punojmë për një të ardhme më të begatë e më të sigurt për të dy vendet tona.”, mbyllet postimi i ambasadës së SHBA-së në Tiranë.

 /rtsh.al/