Mbytet varka me emigrantë pranë brigjeve greke, 3 të vdekur dhe 25 të zhdukur

Botë | 2 vite më parë

Një varkë më emigrantë është mbytur në ujërat greke duke lënë të vdekur 3 persona, ndërsa 25 të tjerë rezultojnë ende të zhdukur.

Varka me emigrantë u mbyt në brigjet e Samos, ku autoritete greke kanë nisur operacionet e kërkim-shpëtimit. Një mjet patrullimi i rojës bregdetare dhe një helikopter kanë nisur kërkimet për të zhdukurit, por kushtet e këqija atmosferike në zonë vështirësojnë operacionin e shpëtimit.

Nga informacionet emigrantët po lundronin me një gomone plastike, në të cilën ndodheshin 33 persona në bord.

5 emigrantë kanë mundur të dalin në breg të detit, ndërsa 3 janë gjetur pa shenja jete. 25 emigrantë të tjerë rezultojnë ende të zhdukur, ndërsa shpresat për të gjetur persona të gjallë sa vijnë dhe ulen.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme