Në fshatin Ballagat, në një takim brezash, dhjetëra gra, treguan  jo vetëm historitë e tyre personale, por edhe rrugët sesi të gjejnë mundësinë  për të rritur të ardhurat ekonomike.

Krahas vështirësisë për të mbajtur peshën kryesore në familje, këto gra  bëjnë biznes edhe me punët artizane, apo produktet karakteristike të fshatit.

Pushteti lokal ka nisur të promovojë politika mbështetëse për gratë e fshatit. Për vitin 2025 bashkia e Lushnjës për të gjitha ato gra që çelin një biznes apo argotizëm , në 3 vitet e para nuk do të paguajnë asnjë taksë . Sipas kryetares së bashkisë Eriselda Sefa, qëllimi i kësaj nisme është fuqizimi i gruas në fshat me synim zhvillimin e turizmit.

Ballagati është një fshat me natyrë kodrinore që rrethohet nga pyje dhe kullota të shumta. Sot banorët e zonës po shohin si mundësi zhvillimin e turizmit duke shfrytëzuar bukuritë natyrore dhe peizazhin e mrekullueshëm që ofrojnë tokat bujqësore të rrethuara nga kodrat e larta.

/RTSH/