Përmbytjet në Itali – Një i zhdukur, 1500 persona të evakuuar në Emilia-Romagna

Botë | 2 vite më parë

Moti i keq që goditi një pjesë të madhe të rajonit italian të Emilia Romanjas shkaktoi përmbytje, rrëshqitje dheu dhe dëmtime të shumta.  Zjarrfikësit kryen mbi një mijë ndërhyrje në dy ditët e fundit ndërsa Mbrojtja Civile ka lënë në fuqi alarmin e kuq deri të shtunën.

Të paktën 1500 persona janë evakuuar, ndërsa uji vazhdon të rrethojë banesat dhe rrugët, pavarësisht se reshjet intensive ia ka lënë vendin shirave sporadikë.

Prefekti i Ravenas tha se aktualisht vijojnë kërkimet për një person të zhdukur “Për momentin është vetëm një i humbur, jo dy. Policia po kontrollon në një shtëpi të shembur”, tha ai.

Në maj të vitit të kaluar i njëjta rajon  u godit dy herë nga përmbytjet,  që i morën jetën 17 personave dhe shkaktuan dëme masive.

/RTSH/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme