Gjimnazi me kohë të pjesshme në Shkodër vijon të ketë numrin maksimal të regjistrimeve. Në klasë të 10-të. këtë vit janë regjistruar 59 nxënës me kohë të pjesshme ndërsa tek koha e plotë 22 nxënës.

“59 nxënës janë regjistruar tek koha e pjesshme dhe 22 nxënës me kohë të plotë. Kemi kërkesa edhe më shumë tek koha e pjesshme. Ne më shumë kemi me kohë të plotë, por për efekt të numrave dhe klasave që hapen është deri në 59 nxënës”, tha drejtori i gjimnazit, “Kolë Idromeno”, Gazmir Jahiqi.

Drejtori thotë se mosha e regjistrimeve tek koha e pjesshme varion nga 20 deri në 55 vjeç.

“Kemi mosha të ndryshme, kemi pas edhe një diskutim, bile në klasën e 10- të sivjetshëm, më i madhi ka qenë 52 vjeç. Kemi dhe nga ata që janë 22 vjeç e deri tek ata që janë në një moshë më të madhe”, tha ai.

Ndjekja e gjimnazit me kohë të pjesshme apo siç është quajtur më herët shkolla e natës, vitet e fundit ka pasur interes të shtuar.

Nevoja për të pasus një shkollë të mesme ka bërë që edhe mosha e mesme të drejtohet për ndjekjen e gjimnazit “Kolë Idromëno” i cili është i vetmi në rajonin verior që ofron edhe kohën e plotë dhe atë të pjesshme.

Gazetar: M. Gjoni

/rtsh.al/