Studiuesit kinezë kanë klonuar majmunin e parë rezus, një specie e cila përdoret gjerësisht në kërkimet mjekësore, sepse fiziologjia e tij është e ngjashme me njerëzit.

Ata thonë se mund të përshpejtojnë testimin e mjekimeve, pasi kafshët gjenetikisht identike japin rezultate të ngjashme, duke ofruar siguri më të madhe në prova.

Përpjekjet e mëparshme për të klonuar një rezus ose nuk kanë çuar në lindje ose pasardhësit kanë vdekur disa orë më vonë.

Tek gjitarët, riprodhimi seksual çon në pasardhës të përbërë nga një përzierje gjenesh nga babai dhe nëna e tyre. Në klonim, përdoren teknika për të krijuar një kopje gjenetikisht identike të një kafshe të vetme.

Studimi u shkrua ne revistën shkencore Nature communications , duke thënë se në thelb kanë bërë të njëjtën gjë si me delen Dolly, por me një majmun rezus. Ata thonë se kafsha ka mbetur e shëndetshme për më shumë se dy vjet, duke treguar se procesi i klonimit ishte i suksesshëm citon BBC.

/rtsh.al