Sulmet në Liban, Irani akuza Izraelit: Po përpiqet të zgjerojë konfliktin në Lindjen e Mesme

Irani ka dënuar ashpër sulmet ajrore izraelite në Liban, me presidentin e vendit Masoud Pezeshkian duke akuzuar Izraelin se po kërkon të krijojë një konflikt më të gjerë.
Pezeshkian thotë se Perëndimi i kishte kërkuar Iranit të mos hakmerrej në mënyrë që të mos rrezikonte përpjekjet për një armëpushim në Gaza.
“Ne u përpoqëm të mos përgjigjemi. Ata vazhduan të na thoshin se jemi në arritjen e paqes, ndoshta brenda një jave apo më shumë. Por ne kurrë nuk arritëm atë paqe të pakapshme”, është shprehur presidenti iranian.
Ndërkohë, zëdhënësi i Ministrisë së Jashtme të Iranit paralajmëroi Izraelin për “pasoja të rrezikshme”.
Irani dhe Izraeli kanë qenë armiq që nga revolucioni islamik i vitit 1979 në Iran, i cili solli një regjim që e ka konsideruar Izraelin kundërshtar si një pjesë kyçe të ideologjisë së tij. Irani nuk e njeh të drejtën e Izraelit për të ekzistuar dhe kërkon çrrënjosjen e tij.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




