Tanke mblidhen pranë kufirit Izrael-Liban – ndërsa ministri i mbrojtjes mban bisedime për ‘zgjerimin’ e aktivitetit të IDF

Ministri izraelit i mbrojtjes Yoav Gallant ka zhvilluar bisedime mbi mundësinë e zgjerimit të ofensivës ushtarake të Izraelit – pasi tanket u fotografuan në kufirin e vendit me Libanin.
Në një deklaratë, zyra e z. Gallant tha se ai po kryente “një vlerësim të situatës operacionale” në lidhje me atë që e quajti “zgjerimi i aktiviteteve të IDF (Forcat e Mbrojtjes së Izraelit) në arenën veriore”.
Tanket dhe trupat izraelite u fotografuan më vonë pranë kufirit, shenja më e qartë se konflikti i Izraelit me Hezbollahun “është gati të zgjerohet edhe më tej”.
Ushtria tha se po mobilizonte tre batalione të tjera ushtarësh rezervë për të shërbyer në të gjithë vendin. Ajo kishte dërguar tashmë dy brigada në Izraelin verior për t’u përgatitur për një pushtim të mundshëm tokësor.
Dislokimi vjen pasi Hezbollahu konfirmoi se lideri i tij prej më shumë se tre dekadash Hassan Nasrallah u vra në një sulm ajror izraelit në Bejrut të premten.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.



