Kujtim Lleshi, 33 vjeç, me origjinë nga Dibra, prej 10 vitesh jeton në Gjirokastër. Ai është përshtatur më së miri në këtë zonë dhe ka hapur një biznes me vegla bujqësore për të ndihmuar fermerët, duke i bërë këto makineri më të aksesueshme.

Sipas Lleshit, heqja e taksës për makineritë bujqësore ka ndikuar pozitivisht, duke u lejuar fermerëve të marrin makineri të reja që lehtësojnë punën e tyre.

“Hapat e para kanë qenë të vështira.  Është hequr dhe taksa e makinerive bujqësore dhe kjo e ndihmoi shumë pasi është zbritur rreth 20 përqind kosto e një makinerie”, tha Leshi.  

Lleshi bën apel për të rinjtë mos të mendojnë vetëm emigrimin, por të shfrytëzojnë mundësitë që ofron vendi jonë.

“Më mirë të jesh pronar në vendin tënd sesa të jesh emigrant në një vend tjetër. I bëj thirrje të rinjve të qëndrojnë dhe të investojnë në vendin e tyre pasi ka të ardhme”, apeloi ai.

Lleshi thekson se bujqësia ofron shumë mundësi për të rinjtë, pasi ky sektor jo vetëm përmirëson ekonominë lokale, por edhe krijon vende të reja pune.