Bota është në trazira. Spektri i konfliktit global fshihet në horizont. Çmimet e energjisë po shtrëngojnë miliona njerëz. COVID vazhdon. Por në Monako, në eventin më magjepsës të botës së jahteve, është si zakonisht.

Këtë javë, superjahte me një vlerë të kombinuar prej rreth 3.8 miliardë dollarë u mblodhën së bashku në ujërat e kaltra të principatës së vogël evropiane për shfaqjen 31-vjetore të jahteve në Monaco.

“Të gjitha varkat janë këtu,” tha Johan Pizzardini, kreu i komunikimit dhe mediave për Monaco Yacht Shoë, në prag të finales së madhe të ngjarjes katër-ditore. Rreth 118 superjahte ishin ndër anijet luksoze të ekspozuara në Portin Hercule të vendit. Shfaqja i kushtohet posaçërisht tregut të superjahteve. Çdo vit, në kohë normale, rreth 30,000 njerëz zbresin në këtë vend të vogël të rivierës mesdhetare për të parë spektaklin mahnitës të disa prej superjahteve më të mëdha dhe më të shtrenjta në botë të mbledhura në një vend./ CNN

/rtsh.al/