Kjo fundjavë ka sjellë një fluks të lartë vizitorësh vendas dhe të huaj në pazarin karakteristik të Gjirokastrës. Me arkitekturën karakteristike, historinë e pasur dhe mikpritjen tradicionale, Gjirokastra po konsolidohet si një nga destinacionet më të preferuara si për turistët e huaj, ashtu edhe për vizitorët vendas.

“Kemi ardhur në Gjirokastër në këtë qytet antik, është shumë bukur dhe kemi mbetur të impresionuar”, u shpreh një turist.

“Kemi ardhur sot dhe është shumë bukur, është qyteti im i preferuar për momentin dhe do ta rekomandoj edhe tek të afërtit e mi”, tha një turiste tjetër.

“Sot takohemi 4  shokët e fakultetit nga ’92 e kemi lënë të takohemi këtu në Gjirokastër. Gjirokastra i ke të gjitha”, u shpreh Skënder Brataj.

Qyteti i përfshirë në listën e Trashëgimisë Botërore të UNESCO-s, prej vitesh është shndërruar në një markë të njohur të turizmit ndërkombëtar. Me arkitekturën karakteristike, historinë e pasur dhe mikpritjen tradicionale, Gjirokastra po konsolidohet si një nga destinacionet më të preferuara si për turistët e huaj, ashtu edhe për vizitorët vendas.

Gazetare:L. Koçiu

/rtsh.al/