Drejtimet profesionale vijojnë edhe këtë fillim vit të jenë të kërkuara. Në Shkollën e mesme profesionale “Hamdi Bushati” në Shkodër regjistrimet kanë plotësuar pritshmëritë e stafit mësimor.

“Sipas statistikave të INSTAT-it , Shkodra është ndër qytetet që ka regjistrimin më të madh në arsimin profesional. Regjistrimet në klasat e 9, rreth 63% janë të regjistruar në degën hoteleri-turizëm dhe është dega më e preferuar”, u shpreh Enkeleda Laçej, Zëvendësdrejtore në shkollën “Hamdi Bushati”, Shkodër.

Hoteleri-turizëm vijojnë të mbajnë numrin më të lartë të regjistrimeve me rreth 120 nxënës. Ndërkohë që interes ka pasur edhe në 2 drejtimet e tjera që shkolla ofron.

“Shkolla nuk ofron vetëm degën hoteleri-turizëm por  edhe degë të tjera si drejtimi ekonomi-biznes dhe drejtimi tekstil-konfeksion”, tha ajo.

Për çdo profil ofrohen kabinete moderne mësimore, laboratorë praktikë dhe bashkëpunime me biznese vendase, duke u dhënë nxënësve mundësinë të zhvillojnë aftësi reale që i përshtaten kërkesave të tregut të punës.

Gazetare: M. Gjoni

/rtsh.al/