Pushimet e dimrit, nxënësit kthehen në banka, pavarsisht kushteve atmosferike

Aktualitet | 9 muaj më parë

Institucionet arsimore parauniversitare i janë rikthyer procesit mësimor pas pushimeve dyjavore. Drejtorja e Zyrës Vendore Arsimore Shkodër, Brisela Kadija, tha se pavarësisht kushteve atmosferike, të gjitha shkollat janë hapur.

“Në të gjitha institucionet arsimore private dhe publike i janë kthyer procesit mësimor normalisht”, tha Kadija.

Lajmi i mirë këtë vit është heqja e gazit në të gjitha shkollat e Bashkisë Shkodër. Sasitë e druve dhe lëndës djegëse për kaldajat janë të mjaftueshme, tha Kadija.

Në territorin e Bashkisë Shkodër janë 44 institucione shkollore, të cilat këtë të hënë vijuan normalisht procesin mësimor.

Gazetare: M. Gjoni

/rtsh.al/

shkolla

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.