Rritet turizmi në juglindje, Korça dhe zonat përreth tërheqin gjithnjë e më shumë turistë të huaj

Aktualitet | 5 muaj më parë

Juglindja e vendit vijon të tërheqë një numër në rritje turistësh të huaj, duke e kthyer Korçën dhe zonat përreth në destinacione gjithnjë e më të preferuara.

Sipas të dhënave, rreth 85% e vizitorëve janë të huaj, të cilët zgjedhin këtë rajon përmes informacioneve që gjejnë online dhe për eksperiencën që ofron.

Fluksi i turistëve të huaj është edhe për shkak se pjesa më e madhe e operatorëve turistikë kanë lidhur kontrata me agjenci të shumta turistike vendase e të huaja.

Përveç Korçës dhe Pogradecit, rezervime të shumta ka edhe në fshatrat turistikë si Voskopojë, Dardhë, Tushemisht dhe Lin, ndërsa këtë vit interesi është shtrirë edhe në bashki të tjera të juglindjes si Kolonja, Devolli, Maliqi dhe Pusteci.

Gazetare: E. Fili

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.