Të paktën 16 viktima nga uragani Milton, Florida nis përllogaritjen e dëmeve

Botë | 2 vite më parë

Florida ka nisur përllogaritjen e dëmeve të shkaktuara nga uragani Milton që i mori jetën të paktën 16 personave.

Milton nuk shkaktoi valën katastrofike të ujit për të cilin kishin frikë në Florida, një nga shumë shtetet e goditura nga Uragani Helene rreth dy javë më parë, por operacioni i pastrimit mund të zgjasë shumë javë.

Shtëpia e Bardhë premtoi mbështetjen e qeverisë pasi shtrirja e plotë e dëmit ishte ende duke u analizuar.

Rreth 2.7 milionë shtëpi dhe biznese në Florida mbetën pa energji elektrike.

Guvernatori i Floridës, Ron DeSantis paralajmëroi se megjithëse shteti kishte shmangur “skenarin e rastit më të keq”, dëmi ishte ende i konsiderueshëm./ Reuters

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme