369 ditë luftë në Lindjen e Mesme, pasardhësi i Nasrallah eliminohet, Libani e mohon

Botë | 2 vite më parë

E ndërsa lufta në Lindjen e Mesme ndërmjet Izraelit dhe Hamasit arriti në ditën e 369-të te saj, trupat ushtarakë të shtetit hebre eleminuan paraardhësin e Nasrallahut.

Kjo u bë e ditur nga kryeministri Benjamin Netanyahu gjatë një mesazhi të dhënë për libanezët, ndërkohë që edhe ministri i Mbrojtjes, Yoav Gallant ishte shprehur më herët se edhe lideri i Hezbollahut, Hashem Safedine, ka të ngjarë të jetë vrarë në sulmin e javës së kaluar në Bejrut. Ndonëse nuk ka një lajm zyrtar, edhe pse Libani e mohon, Netanyahu i ka dhënë një paralajmërim duke i kujtuar se kanë mundësi të shpëtojnë Libanin para se të bie në humnerën e një lufte që sipas tij do ta çojë në shkatërrim dhe vuajtje siç po shihet në Gaza.

Nga ana e saj, ushtria izraelite njoftoi se ka nisur një operacion tokësor të shenjëstruar kundër Hezbollahut në pjesën perëndimore të Libanit  jugor, teksa deri tani ishte përqendruar në anën lindore dhe qendrore.

Por, ndërsa kryeministri izraelit dha mesazhin për libanezët, fondamentalistët  shiitë  lëshuan mbi 100 raketa në gjysmë ore në qytetin Haifa të shtetit të Izraelit, ndërkohë që gjatë një sulmi izraelit në Gazën Perëndimore, sipas agjensisë së lajmeve palestineze Wafa, mjekët tërhoqën trupat e 9 personave nga një familje për t’i dërguar më pas në spitalin Baptist të Gazës.

RTSH

 

 


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme