Qindra raketa në Izrael, Gani: E tmerrshme! S’ishte parë kurrë, predha në rrugë e pallat

Botë | 2 vite më parë

Në një lidhje me Skype në studion e emisionit “Jetë Shqiptare” në RTSH, Jeta Gani, zv.kryetare e diasporës në Izrael, u shpreh se si pasojë e sulmeve ka pasur rënie te predhave në zona të hapura apo në rrugë dhe ka qenë një tronditje e madhe.

“Atje ka pasur rënie te predhave që kane rënë në zona të hapura, kanë rënë në rrugë, kanë në një pallat që është një tronditje shumë e madhe por ne në media nuk kemi marrë akoma lajme që janë vrarë njerëz apo janë plagosur nga raketat nga sulmi i Iranit”, u shpreh Gani.

Për më tepër koordinatorja e arsimit u shpreh se Izraeli nuk po kërkon luftë, por vetëm po vetëmbrohet.

“Vrasjet janë të dyanshme sepse po ta shohim luftën dhe kush e filloi luftën dhe si nisi kjo luftë çnjerëzore,  sepse ajo që u bë në Izrael nuk është bërë në Liban. Sepse njerëzit u therën të gjallë, u përdhunuan, u plaçkitën, u vranë të rinj, u bën gjëra te tmerrshme që Izraeli asnjëherë nuk i kishte menduar, Izraeli vetëm po vetëmbrohet. Natyrisht kur vritet një popull të dhemb shpirti që vriten njerëz. Izraeli mbron popullin njëherë pastaj fillon luftën”, u shpreh Gani.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme