Sulmi ndaj Izraelit, Scholz: Irani rrezikon t’i vërë flakën të gjithë rajonit

Kancelari gjerman Olaf Scholz i bën thirrje Iranit dhe Hezbollahut që t’i japin menjëherë fund sulmeve të tyre ndaj Izraelit dhe paralajmëroi se Irani rrezikon të ndezë të gjithë rajonin.
“Gjermania dhe partnerët e saj do të vazhdojnë të punojnë drejt një armëpushimi. Irani po rrezikon t’i vërë flakën të gjithë rajonit – kjo duhet të parandalohet me çdo kusht. Hezbollahu dhe Irani duhet të ndërpresin menjëherë sulmet e tyre ndaj Izraelit”, tha Scholz.
Ndërkaq, ministri i Jashtëm iranian Abbas Araghchi ka deklaruar se Teherani nuk ka komunikuar me SHBA-në para sulmit të tij raketor iranian ndaj Izraelit, por e paralajmëroi atë kundër ndërhyrjes në çdo përgjigje.
“Para sulmit, nuk kishte komunikim mes dy vendeve. Ne i kemi paralajmëruar forcat amerikane që të tërhiqen nga kjo çështje dhe të mos ndërhyjnë”, është shprehur Araghchi, duke shtuar se mesazhi u transmetua përmes ambasadës zvicerane në Teheran.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




