Një ngjarje e rëndë ka ndodhur këtë të diel në Balldren të Lezhës, ku është qëlluar me armë zjarri në drejtim të një automjeti tip Audi.

“Gjatë atentatit nga breshëria e plumbave kanë humbur jetën çifti i bashkëshortëve, trupat e të cilëve ndodhen ende brenda mjetit.

Rreth orës 14:50 në dalje të fshatit Balldren, Lezhë, në rrugën Balldren-Torrovicë, në rrethana ende të paqarta gjatë lëvizjes, është qëlluar me armë zjarri në drejtim të automjetit Audi, me drejtues shtetasin K. M., 39 vjeç, që udhëtonte sëbashku me bashkëshorten e tij, shtetasen G. M., 32 vjeçe, të cilët kanë humbur jetën në vendngjarje“, bëhet e ditur sipas njoftimit paraprak të Policisë.

Burime për gazetarin e RTSH 24 në Lezhë, Elvis Hila, nga të shtënat me armë ka humbur jetën Kreshnik Mujeci dhe bashkëshortja e tij.

Pamjet e para nga vendi i ngjarjes tregojnë se automjeti ndodhet në mes të rrugës, ndërsa në drejtim të tij është qëlluar disa herë.

Policia ka mbërritur menjëherë në vendngjarje dhe po punon për identifikimin e autorit ose autorëve, si dhe për zbardhjen e plotë të rrethanave të atentatit.

“Shërbimet e policisë pas njoftimit të marrë kanë shkuar menjëherë në vendngjarje dhe vijojnë kontrollet në zonë për lokalizimin dhe kapjen e autorëve.

Ndërkohë, është ngritur një grup i posaçëm hetimor, dhe nën drejtimin e Prokurorisë, po punon intensivisht për fiksimin e çdo prove që do t’i shërbejë hetimit, me qëllim zbardhjen dhe dokumentimin ligjor, identifikimin dhe kapjen e autorëve“, thuhet në njoftimin paprak të Policisë.

Njoftimi paraprak i Policisë: Rreth orës 14:50 në dalje të fshatit Balldren, Lezhë, në rrugën Balldren-Torrovicë, në rrethana ende të paqarta gjatë lëvizjes, është qëlluar me armë zjarri në drejtim të automjetit Audi, me drejtues shtetasin K. M., 39 vjeç, që udhëtonte sëbashku me bashkëshorten e tij, shtetasen G. M., 32 vjeçe, të cilët kanë humbur jetën në vendngjarje.

Shërbimet e policisë pas njoftimit të marrë kanë shkuar menjëherë në vendngjarje dhe vijojnë kontrollet në zonë për lokalizimin dhe kapjen e autorëve.

Ndërkohë, është ngritur një grup i posaçëm hetimor, dhe nën drejtimin e Prokurorisë, po punon intensivisht për fiksimin e çdo prove që do t’i shërbejë hetimit, me qëllim zbardhjen dhe dokumentimin ligjor, identifikimin dhe kapjen e autorëve.

/rtsh.al/