Barack Obama fiton çmimin Emmy si ‘rrëfyesi më i mirë’ në dokumentarin e Netflix

Lifestyle | 4 vite më parë

Ish-presidenti Barack Obama ka fituar çmimin Emmy si tregimtari apo rrëfyesi më i mirë në dokumentarin e Netflix, “Parqet tona të mëdha kombëtare”. Në ceremoninë e ndarjes së çmimeve Emmy Arts Creative më 3 shtator, ish-presidenti Barack Obama ishte një ndër triumfuesit e mëdhenj.

Kompania e prodhimit të Barack dhe Michelle Obamas, krijoi dokumentarin me pesë pjesë mbi parqet kombëtare dhe kafshët e egra në të gjithë botën.

Obama është në gjysmë të rrugës për t’u bërë një fitues i EGOT, dikush që ka marrë çmimet Emmy, Grammy, Oscar dhe Tony. Ish-presidenti ka fituar më herët edhe dy Grammy për versionet audio të kujtimeve të tij.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.