Kampionati i 41-të Botëror i Gjimnastikës Ritmike ka mbledhur në Brazil më shumë se 300 gjimnastë nga rreth 80 vende. Ky event i rëndësishëm sportiv, i cili po zhvillohet në Carioca Arena në Rio de Janeiro, shënon zyrtarisht fillimin e rrugës drejt Lojërave Olimpike të Los Anxhelosit 2028.

Në garë janë emra të njohur të gjimnastikës ritmike, mes të cilëve Hatice Gokce Emir nga Turqia, Geovanna Santos nga Brazili, Murano Kita nga Japonia, dhe Rin Keys nga Shtetet e Bashkuara, të cilët kanë performuar me top, unazë, rreth dhe shirita.

Gara ka sjellë para publikut performanca të larta profesionale dhe emocione të shumta. Në finalet e së premtes, 22 gusht, garuan gjimnaste të talentuara si Sofia Raffaeli nga Italia, Darja Varfolomeev nga Gjermania, dhe Daniela Munits nga Izraeli, të cilat konkurruan në disiplina të ndryshme, duke treguar mjeshtërinë e tyre me topin, shkopinjtë dhe rrethin.

Kampionati Botëror i Gjimnastikës Ritmike konsiderohet si një nga garat më të rëndësishme në botë, duke i dhënë mundësinë gjimnastëve të kualifikohen për eventet kryesore ndërkombëtare, përfshirë Lojërat Olimpike.

/rtsh.al/