Në qytetin e Sarandës ka nisur një valë investimesh të rëndësishme në infrastrukturën e institucioneve parashkollore, duke synuar jo vetëm përmirësimin e kushteve fizike, por edhe ngritjen e standardeve në shërbim të edukimit dhe mirërritjes së fëmijëve. Ndërhyrjet po realizohen në të gjitha kopshtet dhe çerdhet publike, të cilat prej vitesh funksiononin në ndërtesa të amortizuara dhe jashtë kushteve optimale.

“Këtu jemi në ambientet e Kopshtiti N.1 Sarandë, dhe është një investim prej 29 milion lekë dhe konsiston në rikonstruktimin e të gjithë ambienteve”, u shpreh Bledi Mane, inxhinierit përgjegjës.

Ndërhyrje po kryhen paralelisht edhe në institucionet parashkollore të lagjeve të tjera të qytetit, me qëllim përfundimin e punimeve brenda stinës së verës, në mënyrë që këto ambiente të jenë gati për sezonin e ri arsimor në shtator.

“Në ambientet e jashtme do të vendosen lodra, por do të ketë dhe ambient çlodhës”, tha Mane.

Bashkia Sarandë e konsideron këtë ndërhyrje si një hap thelbësor për përmirësimin e cilësisë së edukimit parashkollor dhe një investim në të ardhmen e fëmijëve të qytetit.

/rtsh.al/