RTSH TANI — Platforma OTT e Radio Televizionit Shqiptar

1. Kontrolluesi i të Dhënave

Kontrolluesi i të dhënave tuaja personale është Drejtoria e Përgjithshme e Radio Televizionit Shqiptar (RTSH), me adresë në Rruga “Ismail Qemali”, Nr. 11, Tiranë, Shqipëri, email: [email protected]. RTSH ka caktuar një Zyrtar për Mbrojtjen e të Dhënave Personale (DPO), i cili mund të kontaktohet direkt nga çdo përdorues për çështje që lidhen me privatësinë dhe të drejtat e tyre në adresën e-mail: [email protected].

2. Të Dhënat që Mbledhim

Për të mundësuar regjistrimin dhe funksionimin e plotë të shërbimit OTT “RTSH TANI”, platforma mbledh dy kategori të dhënash:

• Të dhëna regjistrimi (të dhëna të identifikuara): adresa e-mail, emri i përdoruesit (username), fjalëkalimi i enkriptuar (password), mosha, qyteti ose shteti i banimit dhe gjinia (këto përbëjnë fusha të detyrueshme për regjistrim). Përdoruesi mund të plotësojë vullnetarisht (opsionale) edhe nivelin e tij të arsimit.
• Të dhëna përdorimi dhe teknike (të dhëna të identifikuara ose të identifikueshme të mbledhura në mënyrë automatike): adresa IP, vendndodhja e përafërt gjeografike (geolokacioni bazuar në IP), platforma e aksesit (p.sh. Mobile, Smart TV apo Set-Top Box – STB), modeli i pajisjes, sistemi operativ dhe versioni i tij, log-et teknike të sistemit për alarmet, intervalet kohore kur përdoruesi ka ndjekur një program dhe statistikat e kanaleve apo fashave orare më të ndjekura.

3. Qëllimet e Përpunimit

RTSH i përpunon këto të dhëna për qëllimet e mëposhtme specifike:

1. Krijimi, administrimi dhe siguria e llogarisë së përdoruesit në Aplikacion;
2. Transmetimi i kanaleve televizive dhe radiofonike live, si dhe ofrimi i funksioneve të EPG-së dhe catch-up deri në 7 ditë;
3. Zbatimi i kufizimeve gjeografike (geo-blocking) të kanaleve ose eventeve specifike sipas të drejtave të transmetimit, duke shfaqur njoftimin përkatës në ekran;
4. Integrimi i shfaqjes së reklamave në platformë, duke përfshirë Splash Ads në hapje (5s) dhe Zap Ads në ndërrim kanali (maksimumi 10s me opsion skip pas sekondës së 4-ët);
5. Funksionimi i mekanizmit të kontrollit prindëror bazuar në EPG, ku përdoruesi i rritur mund të mbrojë me kod aksesin e të miturve sipas moshës;
6. Gjenerimi i raporteve dhe statistikave të audiencës në bazë ditore, mujore ose vjetore për të kuptuar preferencat e ndjekjes së kanaleve dhe përmirësuar cilësinë e shërbimit;
7. Siguria dhe qëndrueshmëria e platformës, duke përfshirë monitorimin 24/7, ruajtjen e log-eve për të paktën 1 vit për qëllime diagnostikimi dhe mbrojtjen nga sulmet kibernetike DDoS.

4. Baza Ligjore e Përpunimit

Përpunimi i të dhënave personale të përdoruesve është i ligjshëm duke u bazuar në kriteret e parashikuara në Nenin 7 të Ligjit Nr. 124/2024 “Për Mbrojtjen e Të Dhënave Personale”:

• a) Për ekzekutimin e kontratës (Neni 7, pika 1, shkronja b): Përpunimi i të dhënave të regjistrimit dhe të dhënave teknike është i domosdoshëm për të ofruar shërbimin OTT, catch-up, kontrollin prindëror dhe geo-blocking sipas Kushteve të Përdorimit të pranuara nga përdoruesi;
• b) Për pëlqimin e përdoruesit (Neni 7, pika 1, shkronja a): Për shfaqjen e reklamave dhe mbledhjen e statistikave të audiencës përdoret pëlqimi i përdoruesit i shprehur në mënyrë të qartë;
• c) Për interesin e ligjshëm të Kontrolluesit (Neni 7, pika 1, shkronja dh): Përpunimi i log-eve teknike dhe adresave IP për të garantuar sigurinë e platformës, monitorimin e statusit të kanaleve dhe mbrojtjen ndaj sulmeve kibernetike DDoS bazohet në interesin legjitim të RTSH-së.

5. Reklamat dhe Analitika

Shërbimi ofron vendosjen e reklamave (splash ads dhe zap ads) të cilat administrohen tërësisht nga stafi i RTSH-së. Gjenerimi i statistikave dhe raporteve të audiencës realizohet nëpërmjet sistemit Middleware dhe monitorohet në kohë reale ose historike për të marrë të dhëna të kategorizuara të geolokacionit, llojit të pajisjes dhe kohëzgjatjes së shikimit. Të gjitha këto raporte janë konfidenciale dhe përdoren vetëm për qëllime të brendshme të RTSH-së, pa u ndarë apo shitur te palë të treta për qëllime komerciale.

6. Përpunuesit e të Dhënave dhe Ndarja me Palë të Treta

Të dhënat personale të përdoruesve mund të përpunohen nga ofruesit e shërbimeve që veprojnë në emër dhe për llogari të RTSH-së (Përpunuesit), në përputhje me Nenin 26 të Ligjit Nr. 124/2024. Përpunuesi kryesor i platformës OTT “RTSH TANI” është kontraktori teknik i përzgjedhur në procedurën e hapur të prokurimit, shoqëria “MC Networking” Shpk, e cila zbaton standardet më të larta të sigurisë kontraktuale dhe teknike, duke përfshirë certifikimet ISO 27001 (Menaxhimi i Sigurisë së Informacionit) dhe ISO 20000-1 (Menaxhimi i Shërbimeve të TI-së). Të dhënat e përdoruesve mbrohen me enkriptim DRM AES 128-bit dhe nuk u shpërndahen palëve të treta të paautorizuara, përveç rasteve kur kjo kërkohet me ligj nga autoritetet kompetente.

7. Transferimet Ndërkombëtare të të Dhënave

Për të garantuar transmetim të shpejtë dhe pa ndërprerje në mbarë botën, platforma OTT përdor një Rrjet të Shpërndarjes së Përmbajtjes (CDN) me servera Edge të dedikuar dhe të shpërndarë gjeografikisht, të paktën në Europë dhe në Shtetet e Bashkuara të Amerikës (USA). CDN-ja përcakton serverin edge më të afërt nga i cili përdoruesi do të marrë stream-in. Për shkak të këtij sistemi, disa të dhëna teknike si adresa IP dhe të dhënat e pajisjes mund të përpunohen përkohësisht në serverat edge jashtë Republikës së Shqipërisë. Këto transferime bazohen në Klauzolat Standarde të Mbrojtjes së Të Dhënave (Standard Contractual Clauses – SCC) të miratuara nga Komisioneri, në përputhje me Nenin 41, pika 1 të Ligjit Nr. 124/2024.

8. Kohëzgjatja e Ruajtjes së të Dhënave

• Log-et teknike të sistemit qendror të monitorimit, të cilat përfshijnë alarmet e multiviewer-it, statusin e serverit origjinë, numrin e përdoruesve për edge dhe statistikat e bandwidth-it, ruhen për një periudhë prej të paktën 1 (një) viti sipas përcaktimeve të DST-së;
• Të dhënat e llogarisë së përdoruesit (e-mail, emër përdoruesi, fjalëkalim i enkriptuar, mosha, gjinia, qyteti/shteti dhe arsimi) ruhen për sa kohë që llogaria e përdoruesit është aktive. Nëse përdoruesi kërkon fshirjen e llogarisë, këto të dhëna fshihen menjëherë nga të gjitha bazat e të dhënave, përveç atyre që duhen ruajtur për të përmbushur detyrimet ligjore ose financiare.

9. Të Drejtat e Subjektit të të Dhënave

Çdo përdorues gëzon të drejta të plota për mbrojtjen e të dhënave të tij personale sipas Kapitullit II të Ligjit Nr. 124/2024:

1. E drejta për të kërkuar akses (Neni 14): Të marrë konfirmim nëse të dhënat e tij po përpunohen dhe të marrë një kopje falas të tyre;
2. E drejta për korrigjim (Neni 15, pika 1): Të kërkojë korrigjimin e të dhënave të pasakta apo plotësimin e të dhënave të paplota;
3. E drejta për fshirje / e drejta për t’u harruar (Neni 15/16): Të kërkojë fshirjen e të dhënave personale kur pëlqimi tërhiqet ose kur përpunimi është i paligjshëm;
4. E drejta për kufizimin e përpunimit (Neni 17): Të kërkojë bllokimin e përpunimit në raste të caktuara, për shembull kur saktësia e të dhënave kundërshtohet;
5. E drejta për transferueshmërinë e të dhënave (Neni 18): Të marrë të dhënat e tij në një format të strukturuar dhe t’i transferojë ato te një kontrollues tjetër;
6. E drejta për të kundërshtuar (Neni 19): Të kundërshtojë në çdo kohë përpunimin bazuar në interesin e ligjshëm apo për qëllime të marketingut të drejtpërdrejtë;
7. E drejta për të mos qenë subjekt i vendimmarrjes automatike dhe profilizimit (Neni 20): Të mos bëhet subjekt i një vendimi të bazuar vetëm në përpunim automatik që sjell pasoja ligjore për të.

Çdo kërkesë e përdoruesit duhet të trajtohet falas dhe përgjigja ose përmbushja e kërkesës duhet të bëhet pa vonesë dhe jo më vonë se 30 (tridhjetë) ditë nga data e marrjes së kërkesës, në përputhje me Nenin 12, pika 4 të Ligjit. Përdoruesi gëzon gjithashtu të drejtën për të paraqitur një ankesë pranë Komisionerit për të Drejtën e Informimit dhe Mbrojtjen e Të Dhënave Personale (www.idp.al).

10. Siguria e të Dhënave

RTSH dhe kontraktori i tij zbaton masa teknike dhe organizative shumë të rrepta për të garantuar sigurinë dhe konfidencialitetin e të dhënave personale, në përputhje me Nenin 28 të Ligjit Nr. 124/2024. Këto masa përfshijnë enkriptimin e plotë të transmetimeve live përmes DRM-së të bazuar në teknologjinë AES 128-bit, zbatimin e mbrojtjes të shërbimit ndaj sulmeve kibernetike DDoS, zbatimin e politikave të qarta të aksesit në pajisje dhe servera, si dhe auditimet e rregullta të sigurisë bazuar në certifikimet ISO 27001 dhe ISO 20000-1.

11. Kukit (Cookies) dhe Teknologjitë e Ngjashme

Aplikacioni RTSH TANI përdor kukit dhe identifikuesit e pajisjes për qëllime teknike të funksionimit të shërbimit. Këto teknologji mundësojnë që përdoruesi të memorizohet në pajisjen e tij për të mos pasur nevojë për ri-regjistrim dhe ri-hyrje sa herë që hapet aplikacioni në të njëjtën pajisje, si dhe ndihmojnë në funksionimin e catch-up-it, kontrollit prindëror dhe shpërndarjes së saktë të stream-eve të kanaleve.

12. Të Miturit

Në përputhje me Nenin 8, pika 6 të Ligjit të ri Nr. 124/2024, mosha e pëlqimit të pavarur për shërbimet e shoqërisë së informacionit (online) është 16 vjeç. Regjistrimi për të miturit nën 16 vjeç kërkon detyrimisht pëlqimin ose autorizimin e prindit ose kujdestarit të tij ligjor. Aplikacioni ofron mundësinë e kontrollit prindëror për të kufizuar aksesin e përmbajtjeve që nuk janë të përshtatshme për mosha të caktuara të të miturve.

13. Ndryshimet e kësaj Politike

Kjo Politikë e Privatësisë mund të përditësohet herë pas here për shkak të ndryshimeve legjislative ose përditësimeve teknike të platformës OTT. Versioni i ri do të publikohet në Aplikacion dhe në URL-në zyrtare të platformës, së bashku me datën përkatëse të hyrjes në fuqi. Vazhdimi i përdorimit të Aplikacionit pas përditësimit përbën pranim të Politikës së re të Privatësisë.

14. Kontakti dhe Ankesat

Për çdo pyetje, ankesë apo për të ushtruar të drejtat tuaja ligjore lidhur me mbrojtjen e të dhënave tuaja personale, ju mund të kontaktoni direkte Zyrtarin për Mbrojtjen e të Dhënave (DPO) të RTSH-së në adresën e-mail [email protected]. Gjithashtu, nëse mendoni se të drejtat tuaja janë shkelur, ju keni të drejtë të paraqitni ankesë pranë autoritetit mbikëqyrës:

Komisioneri për të Drejtën e Informimit dhe Mbrojtjen e Të Dhënave Personale Adresa: Rruga “Abdi Toptani”, Ndërtesa “Torre Drin”, Kati 14, Tiranë, Shqipëri E-mail: [email protected] | Web: www.idp.al