Maturën Shtetërore, 6 qendra provimi do të presin 1466 maturantë, trajnohen mbikëqyrësit

Arsim | 4 muaj më parë

Përgatitjet për zhvillimin e provimeve të Maturës Shtetërore në Shkodër kanë hyrë në fazën përfundimtare.

Sipas specialistit të Zyrës Vendore të Arsimit, Eduart Plepi janë përcaktuar 6 qendra provimi, të cilat do të presin në total 1466 maturantë, ndërsa po punohet për krijimin e kushteve të përshtatshme në çdo ambient ku do të zhvillohen testimet.

Nga ana tjetër, ka përfunduar edhe procesi i trajnimit të 1100 mësuesve mbikëqyrës, të cilët do të jenë përgjegjës për mbarëvajtjen e provimeve, duke garantuar respektimin e rregullave dhe standardeve të përcaktuara.

Provimet e Maturës Shtetërore do të nisin më 2 qershor me provimin e Gjuhës së Huaj, do të vijojnë më 9 qershor me Gjuhën Shqipe dhe Letërsinë, më 16 qershor me Matematikën dhe do të përmbyllen më 23 qershor me provimin me zgjedhje.

Gaztare: M. Gjoni

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.