Në fshatin Erind, pranvera sjell jo vetëm gjelbërim, por edhe punë të pandalur për banorët. Familjet merren me bujqësi, blegtori dhe përgatitjen e produkteve tradicionale që i kanë trashëguar brez pas brezi.

Në këtë stinë, punët në ara dhe kujdesi për bagëtitë janë pjesë e përditshmërisë. Gra dhe burra punojnë tokën dhe përgatisin produkte bio që ruajnë shijen e natyrës.

“Tani është sezon pune ku banorët mbjellin perimet, spërkatet rrushi ku ccdo pemë ka kohën e saj për spërkatje dhe shërbime.”-shprehet një prej banorëvë.

Vetëm pak kilometra larg  fshatit Erind ndodhet mali i Çajupit një destinacion që çdo vit tërheq dhjetëra turistë vendas e të huaj për bukuritë e tij natyrore dhe shumë prej tyre ndalojnë  edhe në  Erind .

Banorët e Erindit e shohin gjithnjë e më shumë agroturizmin si një mundësi për të mbajtur gjallë fshatin e tyre. Me pak mbështetje dhe promovim, ata janë të gatshëm të hapin dyert e shtëpive të tyre për vizitorët ,të ofrojnë ushqim tradicional, produkte të zonës dhe eksperienca autentike të fshatit .

“Misri është mbjellë, fasulja është mbjell”

“Gruri, misri, jonxha” është mbjell shprehet një tjetër banorë e fshatit.

Dëshira për të sjellë jetë dhe zhvillim në këtë zonë është e fortë, dhe Erindi, i vendosur në zemër të natyrës, ka gjithçka që i duhet për të qenë një ndër pikat më tërheqëse të agroturizmit .

Gazetare Boralda Pëllumbi

/rtsh.al/