Ministri i Jashtëm austriak: BE s’do të tërheqë forcat paqeruajtëse nga Libani i Jugut

Lindja e Mesme | 2 vite më parë

Ministri i Jashtëm austriak Alexander Schallenberg ka deklaruar se vendet e Bashkimit Evropian që kontribuojnë në forcën paqeruajtëse të OKB-së UNIFIL në Liban nuk kanë ndërmend të tërhiqen nga jugu i vendit pavarësisht thirrjeve të Izraelit për ta bërë këtë.

Ky qëndrim i kryediplomatit austriak vjen pasi kryeministri Benjamin Netanjahu i bëri thirrje OKB-së që të tërheqë forcat UNIFIL “nga bastionet e Hezbollahut dhe nga zonat e luftës”.

Schallenberg tha se vendet evropiane nuk kanë ndërmend të tërheqin trupat nga Libani i jugut.

Gjatë diskutimit mes ministrave të Jashtëm të BE-së, kryediplomati austriak theksoi se

“Nuk kishte asnjë debat për tërheqjen apo çfarëdo tjetër. Ata janë atje për të qëndruar, por e trupave tona është parësore dhe duhet të sigurohet nga të gjithë”, tha Schallenberg, vendi i të cilit ka rreth 160 ushtarë në UNIFIL.

Kombet evropiane kontribuojnë me rreth 3,600 trupa në forcën prej 10,000 trupash.

Kontribuesit e BE-së planifikojnë të mbajnë sot komunikim mbi qëndrimin e tyre aktuale dhe rolin afatgjatë të misionit kur bëhet fjalë për nivelet e trupave, pajisjet dhe rregullat e angazhimit, sipas zyrtarëve evropianë.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme