Ndërron jetë në moshën 83-vjeçare Fetullah Gylen, kundërshtari i presidentit Erdoan

Botë | 2 vite më parë

Ka ndërruar jetë në moshën 83-vjeçare Fetullah Gylen, kundërshtari i presidentit turk Rexhep Taip Erdoan (Recep Tayip Erdogan).

Raportohet se shkak për vdekjen u bënë problemet kardiovaskulare, për të cilat kleriku mysliman ishte shtruar në një spital të Pensilvanisë. Ai ndodhej në Shtetet e Bashkuara të Amerikës që prej vitit 1999.

Faqja Herkul, ku publikohen predikimet e të ndjerit, njoftoi se Guleni ndërroi jetë mbrëmjen e së dielës.

Gyleni akuzohej prej Erdoanit për grushtin e shtetit të vitit 2016, që përfundoi pa u realizuar.

Ai ndërtoi një lëvizje të fuqishme islamike në Turqi dhe jashtë vendit, ndërsa vitet e fundit i kaloi duke mohuar akuzën se orkestroi tentativën për grusht shteti kundër presidentit Erdoan. Revolta e atëhershme përfundoi me 250 persona të vrarë.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme