Luleborat (Hortensiat), të njohura për ngjyrat e tyre të gjalla dhe të ndryshueshme, nuk e marrin ngjyrën nga lloji i tyre, por nga pH-i i tokës ku rriten. Ky fenomen prek kryesisht hortensiat e llojit Hydrangea macrophylla, të cilat mund të lulëzojnë në blu, rozë ose vjollcë, varësisht nga përbërja kimike e tokës.

Sipas ekspertëve të botanikes, tokat acidike (pH nën 6) ndihmojnë bimën të përthithë alumin, duke prodhuar lule blu, ndërsa tokat alkaline (pH mbi 6) pengojnë këtë proces, duke sjellë ngjyra rozë ose vjollcë. Ndryshimet e ngjyrës nuk ndodhin brenda natës, por me kalimin e stinëve dhe përshtatjen graduale të bimës me përbërjen e tokës.

Kopshtarët madje mund të ndryshojnë ngjyrën e luleve duke shtuar në tokë substanca si sulfat alumini për ngjyrë blu ose gëlqere për ngjyrë rozë.

Ky fenomen natyror është një ndër arsyet që luleborat mbeten ndër bimët më të dashura për kopshte dhe dekorime, duke sjellë jo vetëm bukuri, por edhe një eksperiment të gjallë të kimisë në natyrë.

/rtsh.al/