Kryeministri Edi Rama po zhvillon këtë të hënë (27 prill) mbledhjen e përbashkët të grupit parlamentar socialist dhe qeverisë.

Bëhet me dije se integrimi i vendit në BE dhe çelja përfundimtare e grupkapitujve, do të jenë në qendër të kësaj mbledhjeje.

Gazetarja e RTSH-së, Denada Shkodrani raportoi se mbledhja do të zhvillohet në Pallatin e Brigadave, në takimin ku do të ngrihen jo vetëm problematikat e qeverisjes, por edhe ato që vijnë në lidhje me organizimin e strukturave të PS.

Sipas agjendës së miratuar dhe konfirmuar, gazetarja bën me dije se mbledhja ka nisur me raportimin e kreut të grupit parlamentar, Taulant Balla, në lidhje me ecurinë e të gjitha takimeve në terren të bëra nga përfaqësuesit e kabinetit qeveritar, deputetë e PS në zonat e tyre elektorale.

Po ashtu, parashikohet që do të ketë edhe një raportim të tij në lidhje me si po ecën procesi i zgjedhjeve në Partinë Socialiste.

Si pikë e dytë raportohet raportimi i ministrit të Jashtëm Ferit Hoxha dhe kryenegociatores Majlinda Dhuka në lidhje me procesin dhe rrugëtimin e Shqipërisë drejt BE.

Në vijim do të ketë pyetje-përgjigje që do t’i adresohen ministrit të jashtëm, Hoxhës dhe kryenogociatores Dhukës.

Kujtojmë se qeveria ka dorëzuar në Kuvend raportin për ecurinë e procesit të anëtarësimit në BE.

/rtsh.al/