Rinisin dërgesat e naftës, Arabia Saudite vë në punë tubacionin strategjik Lindje-Perëndim pas sulmeve me dronë
Arabia Saudite ka rifilluar zyrtarisht operacionet në tubacionin e saj kryesor të naftës Lindje-Perëndim, duke krijuar kushtet për rinisjen e eksporteve nga porti i Detit të Kuq, Yanbu. Sipas agjencisë së lajmeve Reuters, e cila i referohet tre burimeve të njohura me çështjen, rrjedhja e naftës ka nisur me ritme të ulëta, ndërkohë që pritet rikthimi i plotë i ngarkimeve.
Tubacioni strategjik u detyrua të mbyllej pas sulmeve me dronë që goditën infrastrukturën energjetike, duke ndërprerë për disa ditë ngarkimin e naftës bruto në terminalin e Yanbu-së dhe duke shtuar tensionet në tregjet ndërkombëtare të energjisë.
Rinisja e këtij arterie kryesor pritet të lehtësojë ndjeshëm furnizimin global dhe të normalizojë transportin e naftës nga fusha e prodhimit drejt porteve detare perëndimore.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Të ngjashme
Të fundit
