Shkarkimi i ministrit të mbrojtjes izraelit, protesta për dorëheqjen e kryeministrit Netanjahu

Shkarkimi i Ministrit të Mbrotjes së Izraelit, Yoav Gallant, nga Kryeministri Benjamin Netanjahu (Netanyahu) ka nxitur protesta në vend.
Protestuesit i kanë bërë thirrje kryeministrit që të dorëhiqet nga detyra që mban, ndërsa kërkonin gjithashtu që ministri i ri i mbrojtjes t’i japë përparësi marrëveshjes së pengjeve.
Netanjahu tha se një “krizë besimi” midis dy liderëve çoi në vendimin e tij, duke shtuar se besimi i tij te Gallant ishte “gërryer” muajt e fundit dhe se Ministri i Jashtëm Israel Katz do t’a zëvendësonte atë.
Gallant tha se largimi i tij ishte për shkak të mosmarrëveshjeve për tre çështje, duke përfshirë besimin e tij se është e mundur të kthehen pengjet e mbetura nga Gaza nëse Izraeli bën “lëshime të dhimbshme” të cilat “mund t’i durojë”.
Ish-ministri i mbrojtjes ka qenë gjithashtu i pakënaqur me planet për të vazhduar lejimin e qytetarëve ultra ortodoksë të Izraelit që të përjashtohen nga shërbimi në ushtri.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




