“Studime Gjuhësore dhe Etnokulturore në Rajonin e Ballkanit”, program i ri doktorature në Korçë, hapen së shpejti aplikimet

Aktualitet | 9 muaj më parë

Universiteti “Fan S. Noli” në Korçë ka prezantuar programin më të ri të ciklit të tretë, doktoraturën në “Studime Gjuhësore dhe Etnokulturore në Rajonin e Ballkanit”.

Programi synon të plotësojë nevojën për kërkime të avancuara mbi gjuhët, kulturat dhe identitetet ballkanike, duke ofruar mundësi studimi në fusha si gjuhësia, etnografia dhe letërsia krahasuese.

Risi e rëndësishme e programit është diploma e dyfishtë, e realizuar në bashkëpunim me Universitetin e Timishoarës në Rumani, që u mundëson doktorandëve mobilitet dhe bashkëpunime ndërkombëtare.

Universiteti synon të forcojë rolin e tij kërkimor në rajon, ndërsa aplikimet për programin pritet të hapen së shpejti.

Gazetare: G. Manushi

/rtsh.al/

korce

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.