Thesari Mbretëror i Britanisë së Madhe ka prodhuar një monedhë ari prej 10 kilogramësh, më e madhja në historinë e saj 1 100-vjeçare, për të shënuar fundin e një koleksioni të veçantë për nder të kurorëzimit të Mbretëreshës Elizabeth II gati 70 vjet më parë.

Koleksioni përkujtimor i monedhave “Beasts” përfshiu prodhimin e disa monedhave që përmbajnë imazhe të 10 statujave prej guri të rreshtuara përgjatë rrugës që mbretëresha ndoqi për në Abacinë e Ëestminster për t’u kurorëzuar në 1953.

Prodhimi i tyre filloi në vitin 2017 me Luanin e Anglisë.

Prodhimi i monedhës së fundit zgjati 400 orë dhe përmban të gjithë mbrojtësit mbretërore: luanë, një grifin, një fajkua, një dem, një zagar, një dragua, një njëbrirësh dhe një kalë, që rrethojnë një imazh të mbretëreshës.

Për të krijuar monedhën u përdorën  teknika moderne dhe artizanale.

Ajo ka një vlerë prej 10 000 stërlinash (13 900 dollarë).

Thesari Mbretëror tha se monedha gjigante tashmë është blerë nga një blerës i panjohur.

Çmimi i shitjes nuk u dha, sidoqoftë, Thesari bëri të ditur se, për shkak të punës që u bërë për krijimin e monedhës, ajo është shitur në një çmim me gjashtë shifra.