Maliqi po kthehet gjithnjë e më shumë në një nga destinacionet më të preferuara për turistët që kërkojnë aventura dhe natyrë të paprekur.

Turistë të shumtë, veçanërisht ata që udhëtojnë me biçikletë, dhe turistët e aventurës zgjedhin të qëndrojnë për dy ose tre ditë në zonat malore te qytetit për të shijuar peizazhet dhe mikpritjen vendase.

Turistë nga Zvicra dhe Spanja shprehen se janë mrekulluar jo vetëm nga bukuritë natyrore, por edhe nga ushqimi tradicional dhe njerëzit miqësorë të zonës.

“Quhem Emanuel, jam nga Zvicra dhe kam ardhur me biçikletë. Me pëlqen shume gjithçka që po shoh. Ushqimi është i shkëlqyer dhe njerëzit janë të dashur e mikpritës. Natyra është e mrekullueshme dhe mendoj se ky udhëtim ja ka vlejtur”, u shpreh një prej turistëve.

“Emri im është Daniel dhe vij nga Spanja. Kam qenë turn ë gjithë Shqipërinë, ndërsa tani u ndala në Maliq. Është një qytet i bukur, i pastër dhe i rregullt. Natyra është mahnitëse. Njerëzit janë shume miqësorë“, tha një turist tjetër.

Ky interes i shtuar për Maliqin nga ana e turistëve të huaj pritet të sjellë zhvillime të reja në turizëm dhe të ndihmojë ekonominë lokale të të gjithë zonës së Maliqit.

/rtsh.al/